 |
|
 |
|
|
|
|
Voir le sujet précédent
:: Voir le sujet suivant |
|
Auteur |
Message |
|
Invité

|
Posté le:
Mar Mai 23, 2006 1:56 pm Sujet du message:
Tarabout n'izenzaren ! |
|
|
Tarabbut n izenzâren tega yat gh trubba ittyawęzlayen gh iger n uzawan atrar amazigh ; ur d mekli ka tega yat gh tmezwura iskren tamackut ad, maca mekli tzęli tarmit nnes ayelligh akw illa mad issaghen i wanaw ad n umarg (amarg n trubba) tazenzârt.
Nezdâr ad nini mas tmenaway tlalit nnes ; igh nssen mas d tarmiwin zwarnin n trubba zun d Laqdam ad tt yefkan ; d imuttiten dranin n tmetti tamerukit mad yad ffaghen irumiyen tamazirt. Azemz an agh d ggurant tiwetlin mqqurnin yiwin s yan wanaw n tudert ittuskan f ufugh d uzwag. Timizar akw illan berra n temdint zun d idraren negh izughar ur yakkan tanyaft igguten ur sul zdârent ad qqent isghawsaten n willi gisent illan. Yawi uya s ad nkkren isufughen n tawjiwin ar en ttrusen, zun d kraygat imezdi, gh wakal yâden. Akal imezdi tega temdint d isaragen nnes uqjiren n tudert. Ghin agh en nmaggaren ntteni zwar, s tarwa nnesen ilemma, d imerdukkuten izdin d tmukrisin n idels, win tpsikulujit, d win usghawsa ametti. Imukrisen ad akw kkand s tuggt nnesen asnara ur inmalan n tnebâdt ur ighin ad tasi, s tgharast ighdmen, timasayin llis bedda ttini gant tines.
Mnid n tmukrisin ad ittguduyen, d usyafa idran s uzwag d tikessâd nnad ittu yan ixef nnes, tugna d tmagit ; freken tarwa n imezdaghen ad imezwagen s mas d iqqan ad sigglen s kra n tgharast, tgit asnulfu negh tega tamaght, mas ttinin ayelli isisen gh ugunes nnesen, igi t taghamarg, negh yega tagudî negh tagerzâwt, negh ghas nnan uhu mnid udem iqqjren n tsertit tunsîbt. Inmuggur d usyafa ya d tizi lligh d ffaghent trubba gh tseggiwin yâden gh umadâl negh Merrok, iddren zun d anaw ad n waddad, gh gan The Beatles, Nas Lghiwan d tiyyâd.
Ddaw uzâzu n ufrak d izâttiwen n tudert, sdan iŕezriyen ad s tmatarin mqqurnin kkusan gh umugh n umarg ttalsen negh mu ssliden ayt darsen zun d Ahwac d Rraways, asin imassen d ufan nger ifassen nnesen gen it gh tayessi negh uhu, ssentin ar ttiriren, s wawal nnesen d izmulen zdânt tgudîwin gh igunsiwen ittuten, ili nnesen yudęn d waddad nnesen mnid tametti, mnid ixef d mnid timatarin yunfen igiwalen nnesen.
Gh ighladen llasnin n temdinin mezzîynin n ifus n Merrok, kran iŕezriyen gh yega Iggut Abdelhadi, Chater, Boufertel, Aziz Chamekh d wiyyâd swangmen ad skren yat trabbut, ssaghen as izenzâren zun d izenzâren n tafukt ffaghen is s zik n umarg n trubba ad snulfun, sgrawlen amarg amazigh. Mad yad tunan teghwrît n umarg gh teswak n Dcheira d Inezgan, sffaghent tasffift izwaren gh useggwas n 1974.
Iseggwasen imezwura uraren zun d akw imezwura tayri, taghamarg, atigen mqqurnin n tametti ittenfruruyen mnid nnesen, flen d turarin sul nit mu ttalsen imarayen nnes ittigguten kraygat ass zun d :
Wad ittmuddun ar ittka tiqbilin wa ŕla rebbi
a yyi tarat yan lhęrz i tayri tmelk angh
negh "wa zzin, anna s tnnit a yellan" d "immi hęnna ka f rbbigh tasa wala wul".
Maca, ur ikki uzemz yat s igh ufan agharas ten yiwin s tagwit, d tazît, d tnana izdâyen n imerdukkuten n tudert d ixef; kcmen s usarag yâden n umarg d iwaliwen yusin attân, tammara d tawda ittifsun kraygat ass gh ulawen, gh teswak ar ttighar teg asetci gh idammen, gh tguriwin d tiyyet n idinanen. Tizwuri n iseggwasen 80 agh nemaggaren taguri yad zdűn gis turarin ifkan timelsa idusen i tmagit n izenzâren:
ur immut ulegwmâd d is ka ikcem tillas
a tafukt lligh a yegmmer ka sul ur illan
ar nesmullugh azerg ur nemmut ur nsul
netghwi zun tghwi tmurghi gh igenwan ikk lhif akal.
Tama n tdusi n tguri yusin tagudî d tmmara llid yad isaggwan gh tizi yan timatarin mqqurnin n usnulfu atrar gh umarg amazigh, tlla yat tgharast n tiyyet d uzawan izęlin s trabbut ad. Maca, ur d sul msasan ayt trabbut yat tizi f kra n tghawsiwin ur nssen, yawi uya s ad tyyawskarent snat trubba : Izenzâren Abdelhadi, d Izenzâren Chamkh . Mad yad tssufgh kraygat yat gisent tisfifin, ifaw mas d Iggut ad izdâren ad yeg inezgi ad ikkusu isem n Izenzâren.
Azawan atrar : musique moderne / modern music
Tarmit : expérience / experience
Imnaway : correspondre / correspond
Imuttiten (sing : amutti) : mutations
Tametti : société, communauté / society, community
Asghawsa : besoin / need Amerdukku : violence, traumatisme / violence, traumatism
Tanbâdt : pouvoir / power
Tamasayt : responsabilité / responsability
Tagerzâwt : regret
Tasertit tunsîbt : politique officielle / official policy
Inezgi : ętre digne / to be worthy
POUR PLUS D'INFORMATIONS POUR CEUX
QUI AIMENT TAZNZART ! VISITEZ LE BLOG DES CHANSONS, PAROLES ET DES PHOTOS DU GROUPE LEGENDAIRE "IZENZAREN Iggout abdelhadi" www.iznzarn.skyblog.com |
|
|
|
|
|
|
XRumer_OK
Invité

|
Posté le:
Sam Oct 21, 2006 5:56 am Sujet du message:
Respect from XRumer |
|
|
Hi from XRumer )
Anybody home?
Well.... I see............. |
|
|
|
|
|
|
TIFIZZA
Invité

|
Posté le:
Sam Oct 21, 2006 11:35 am Sujet du message:
Re: Respect from XRumer |
|
|
| XRumer_OK a écrit: | [Hi from XRumer )
Anybody home?
Well.... I see.............]
|
L3JJABE aroumi issan tachelhite...zond KILLY!!!!!  |
|
|
|
|
|
|
igider

Inscrit le: 25 Mar 2007
Messages: 1
|
Posté le:
Mar Avr 24, 2007 4:39 am Sujet du message:
|
|
|
| merci mon ami |
|
|
|
|
|
|
|
|
Vous ne pouvez pas poster de nouveaux sujets dans ce forum Vous ne pouvez pas répondre aux sujets dans ce forum Vous ne pouvez pas éditer vos messages dans ce forum Vous ne pouvez pas supprimer vos messages dans ce forum Vous ne pouvez pas voter dans les sondages de ce forum Vous ne pouvez pas joindre des fichiers Vous ne pouvez pas télécharger des fichiers
|
Original ezHyperShadow theme by boo ©2004 www.ez-life.net
Powered by phpBB © 2001, 2002 phpBB Group
Derničre version de la Prémod Shadow sur phpBB.biz
|